ហេតុអ្វី បានជាខ្ញុំស្ម័គ្រចិត្តដោយមិនស្ទាក់ស្ទើរ ចូលរួមជាមួយគណបក្សប្រជាធិបតេយ្យជាងលឿន?

ជិត ១០ឆ្នាំកន្លងមក យើងបានតស៊ូតាមផ្លូវច្បាប់ ដើម្បីទាមទារយុត្តិធម៌ យើងបន្តរក្សាឆន្ទៈនយោបាយតាមគោលការណ៍អហិង្សា មិនគុំកួនសងសឹក មិនយកខ្មែរណាជាសត្រូវ។ ថ្ងៃនេះ យើងត្រៀមខ្លួនជាអ្នកបន្តវេន ដើម្បីបន្តសាបព្រោះគ្រាប់ពូជនៃប្រជាធិបតេយ្យ នីតិរដ្ឋ ភាតរភាព សិទ្ធិមនុស្ស និងការផ្សះផ្សាជាតិ ឱ្យក្លាយជាថ្នាលរឹងមាំ និងផ្តល់ផលប្រយោជន៍ដល់ជំនាន់ក្រោយ។

លោក រិន បូរ៉ាន់៖ ៣ចំណុចឱ្យខ្ញុំសម្រេចបន្តដំណើរជាមួយប្រជាធិបតេយ្យជឿនលឿន គឺ ទី១. ថ្នាក់ដឹកនាំជាអតីតបងប្អូន ថ្នាក់ដឹកនាំ(អតីតសិទ្ធិមនុស្ស សង្រ្គោះជាតិ) ទី២. មានគោលនយោបាយច្បាស់លាស់ និងទី៣. សមត្ថភាព បទពិសោធន៍ បុគ្គលិកលក្ខណៈ របស់ថ្នាក់ដឹកនាំតាំងពីថ្នាក់ជាតិរហូតដល់ថ្នាក់ដឹកនាំមូលដ្ឋាន ធ្វើឱ្យខ្ញុំសម្រេចចិត្តចូលរួម។

គណបក្សប្រជាធិបតេយ្យជឿនលឿន នៅថ្ងៃអាទិត្យនេះ បានគូសបញ្ជាក់ប្រាប់ថ្នាក់ដឹកនាំ ពីការទទួលខុសត្រូវ និងភាពជាគម្រូ ដើម្បីកសាងកម្លាំងនៅមូលដ្ឋាន ក្នុងបុព្វហេតុប្រជាធិបតេយ្យឱ្យមាននិរន្តរភាព ខណៈមានសមាជិកថ្មីមួយចំនួនទៀតបានមកចូលរួមជីវិតនយោបាយ។